ລັກສະນະເມັດເຂົ້າໄກ່ນ້ອຍ ແມ່ນຈັດໃນ ກຸ່ມໄຈໂປນນິກກາເຂດຮ້ອນ (tropical japonica) ແຕກຕ່າງຈາກເຂົ້າຫອມອື່ນທີ່ປູກຢູ່ລາວ (Daygon. et al, 2008 ແລະ Vilayheuang. et al, 2016), ເຊິ່ງເຂົ້າຫອມອື່ນ ແມ່ນຈັດໃນກຸ່ມອິນດີກາ (indica) ເຊັ່ນ: ເຂົ້າຫອມທົ່ງ, ຫອມນາງນວນ, ຫອມສັງທອງ, ກຂ 6, ເຂົ້າຫອມສະຫງ່ຽມ, ຫອມມະລິ ແລະ ແນວ ພັນອື່ນໆ. ເຂົ້າໄກ່ນ້ອຍເປັນເຂົ້າຫອມພິເສດ ມີ ສານຄວາມຫອມ (2AP) ຫຼາຍກວ່າເຂົ້າຫອມນາງ ນວນ ແລະ ມີຄວາມໜຽວໜ້ອຍ ກວ່າແນວພັນ ເຂົ້າຫອມ (Chanthakhone, 2011a and 2011b), ເຊິ່ງຢີນຄວາມຫອມ ກໍເປັນຢີນໂຕຕ່າງຈາກແນວ ພັນເຂົ້າຫອມອື່ນ ທີ່ປູກຢູ່ລາວ (Champagne, 2008 and Daygon. et al, 2008). ເຂົ້າໄກ່ ນ້ອຍເປັນເຂົ້າທີ່ດີ, ເມື່ອນໍາເຂົ້າໄກ່ນ້ອຍມາໜຶ້ງ ຈະໄດ້ເຂົ້າສຸກຫຼາຍ 1 ກລ ເຂົ້າສານຈະໄດ້ເຂົ້າສຸກ 1.3 ກລ